Ушбу саҳифада
Энг муҳим уч нуқта
Бу реал прогноз эмас, барча қуруқлик музлари эриган фаразий тажриба.
Океан билан боғланмаган ботиқни шунчаки “денгиз остида” деб бўлмайди.
Видеодаги чегаралар NOAA релйеф маълумотидан чиқарган соддалаштирилган ҳисобимиз.
Қанча сув ҳақида гапиряпмиз?
Антарктида ва Гренландия муз қатламлари тўлиқ эриса, денгиз сатҳи ўнлаб метрга кўтарилиши мумкин. Бунга тоғ музликлари ҳам қўшилади.
65–66 метр тартибидаги сумма барча қуруқлик музлари эриган ҳаддан ташқари фаразий ҳолат учун. Бу яқин келажак башорати эмас; сузиб юрган денгиз музини қуруқлик музига қўшиб санамаймиз.
Сув йўлини қандай ҳисобладик?
NOAA ETOPO 2022 баландлик харитаси бўйича океандан пастроқ жойларга уланган йўлни қидирдик. Океанга уланмаган пастлик автоматик сув остида қолмайди.
Бу “ванна” модели: денгиз сатҳи бир хил кўтарилади деб олади. Эрозия, дамбалар, ер қобиғи, гравитация ва сувнинг реал вақт бўйича ҳаракати моделлаштирилмаган. Чегаравий натижалар бир неча метрга ўзгариши мумкин.
Ўзбекистонгача етадими?
Моделимиз Каспий томондан паст йўл орқали сув Ўзбекистон ҳудудидаги Сариқамиш ботиғига етиши мумкинлигини кўрсатади. Бу бутун мамлакат денгизга чиқади дегани эмас.
≈55,6 метр ва Орол ҳавзасига ≈65,9 метр — шу моделдаги тахминлар, расмий прогноз эмас. Орол чегарасидаги фарқ шунчалик нозикки, у қатъий “ҳа” ёки “йўқ” хулосасига асос бўлмайди.
Видеодаги сув — анимация
Сувнинг кўтарилиши харита асосида ҳаракатлантирилган; одамлар, бинолар ва муқова воқеани ҳис қилиш учун тасвирланган.
Анимация физик вақт симуляцияси ҳам, келажак тасвири ҳам эмас. Муқова фаразий иллюстрация.
Материаллар ҳақида
NOAA НCЕИ ETOPO 2022 релйеф маълумотлари; Natural Earth харита шакллари.
Мусиқа
Хато топдингизми?
Аниқ хато ёки яхшироқ манба топсангиз, даъво ва ҳаволасини юборинг. Текшириб, зарур бўлса ушбу саҳифани санаси билан тузатамиз.
Instagram орқали ёзинг
